決定分手

近兩年已冇同前度有任何關係了
記得以前成日都玩藕斷絲連
年紀少, 覺得感情唔駛太認真卦
其實又唔可以咁講
唔係我唔認真對待感情
我諗我係太多心
舊情成日都忘不了

決定分手時, 只記得唔開心既事
全推哂出嚟做分手既理由
分手後, 突然記得返哂對方既優點, 美好既回憶
真係頂自己唔順 ><
不過..我諗我唔係獨特既一個
應該有好多人都係咁既..

因為咁..分手後我會後悔
有時覺得自己係一個好清楚自己想點既人
但永遠都俾個excuse自己
就係唔試過點知唔好呢
that's why, 我好容易開始一段新感情
that's why, 我好容易因為少少既不合我心意就嗌分手

分手後好快投入一段新感情
呢個係我治療分手所帶來既傷痛既方法
之不過, 件事好似唔係咁
因為身邊嗰個有野唔合我心意
所以我開始想結束關係
我深信不合即分既道理
唔好浪費大家時間, 機會

看似好決絕, 但其實邊係..
成日都回頭望, 真係好鬼憎自己又要決絕
又要後悔, 都唔知想點
不過自從遇到而家呢個之後
真係令我定落嚟
呢兩年幾, 完全冇諗過要分手添~

海派甜心

剛煲哂<海派甜心>
真係越睇越忟
係好夾硬搵戲嚟做
劇中男女主角拍拖三年後
因"命運"分開左佢地
三年後重逢
但又搞多四年先大團圓結局

嗰四年, 佢地有好多機會可以表白
但都係因為佢地唔肯講出心底話而產生誤會
唉..搞咩啫..講真心話真係咁難咩?
明明兩個相愛既人, 向對方講其實自己仲愛對方
真係咁難講出口?
自以為是, 真係害死好多人囉

我從來都敢愛, 因為我怕後悔
怕我唔表達, 機會就咁流失
其實真係唔知幾時開始
我就勇敢咁表現俾對方知道我既心意lu
哈哈, 成日都覺得呢d就係水瓶座既性格
就算同身邊既佢已經兩年幾
我都成日同佢講我好愛佢既